Спорт

Балотелли: «Барселонага» өтөйүнбү? Мен «кыздар» менен ойнобойм image

13 Март, 2017 5025

Белгилүү футболчу Марио Балотелли бир нече жыл илгери журналисттердин суроолоруна жооп берип жатып айткан айрым сөздөрүн чогулттук. Кээ бир цитататаларын социалдык аккаунттуна да жазып чыккан. 

«Барселонага» өтөйүнбү? Мен «кыздар» менен ойнобойм.

Дүйнөдөн менден артык бир гана футболчу бар. Ал Месси. Калгандары менден кийин турат.

Сильвио Берлускони айтат, эң таланттуу оюнчу Антонио Кассано деп. Минтип айтуу менен Берлускони тамашалаган. Же Балотеллинин бар экенин билбейт.

Моуринью-эң мыкты машыктыруучулардын бири. Бирок ал башкаларга жакшы мамиле кылышы үчүн, адамгерчиликтүү сапаттарга ээ болушу керек.

Күйөрмандарым мен жөнүндө ырдап жатканда, жан дүйнөмдө жылуулукту сезем. Жүзүмдөн жылмаю көрүнбөсө да, ал нерсе жүрөгүмдө уялайт.

Эмне үчүн мен гол киргизгенде майрамдабайм? Анткени бул менин жумушум. Почтачы дарегине жеткирген каттар үчүн кубанып, майрамдабайт да.

Манчининин айтуусунда, мени ургусу келет. Бирок ал анте албайт. Анткени мен тай бокс менен машыгам.

Бир жолу мени полиция кызматкерлери чөнтөгүмдү текшерип, 5 миң фунт таап алышып, эмне мынча чоң суммадагы акчаны алып жүрөсүң деп сурап калышты. Аларга, анткени мен баймын деп жооп бердим.

Мен жаман бала эмесмин, болгону уялчакмын.

Мени жакындан тааныбаган адам акылсыз деп ойлойт.

Өзүмдүн үйүмдү өрттөгөн эмесмин. Биринчиден петардуну мен күйгүзгөн жокмун. Экинчиден, үйүм эмес, дааратканам гана күйгөн.

Журналисттер чектен ашып кетсе эмне кылуу керек? Аларды «өлтүрүү» керек.

Эгерде ката тапсаңыз, текстти белгилеп Ctrl+Enter басыңыз