Экономика

Кыргызстандын экономикалык өсүшү 3,2 пайызга жогорулады image Фото: www

25 Дек, 2017 9262

Кыргызстандын экономикасынын өсүшү быйыл 3,2 пайызды түздү. Мындай маалымат Эл аралык валюталык фонддун сайтына жарыяланды. Ага ылайык, Кыргызстандын экономикасынын өсүшү 2018-жылы 3,3 пайызга өсүшү күтүлүүдө. 

Инфляция 2017-жылы 3,2 пайызды түзсө, 2018-жылы 5,5 пайызга жогорулайт. Ал эми мамлекеттик карыздын көлөмү үстүбүздөгү жылы ички дүң өнүмүнүн 57,1 пайызын түзсө, келерки жылы 58,2 пайыз болот. Мындан тышкары, 2018-жылы экспорттун көлөмү быйыл 10 пайызга өскөн болсо, келерки жылдын прогнозунда 6,2 пайыз өсөрү болжолдонууда. 

Импорт 2018-жылы 11,5 пайызга жогорулайт. Эл аралык валюталык фонду жыл башынан бери өлкө экономикасынын өсүшүн 3,5 пайыз деп болжолдогон. Октябрь айында кыргыз-казак чек арасындагы кырдаал ички дүң өнүмдүн 0,3 пайызга кыскарышына алып келген.

Эгерде ката тапсаңыз, текстти белгилеп Ctrl+Enter басыңыз