Саясат

Президент С. Жээнбеков Сочи шаарына учуп кетти image Фото: www

14 Май, 2018 3927

Президент Сооронбай Жээнбеков Жогорку Евразиялык экономикалык кеңешинин жыйынына катышуу үчүн Россиянын Сочи шаарына учуп кетти. Жогорку Евразиялык экономикалык кеңештин жыйынында биримдиктин алкагында соода-экономикалык өз ара аракеттенишүүнүн актуалдуу маселелери, ошондой эле эл аралык кызматташуу жана Евразиялык мейкиндикте мындан ары интеграциялоо маселелери талкууланат. 

Жыйында Евразиялык экономикалык комиссия “Кыргыз Республикасы: Евразиялык экономикалык биримдиктеги эки жыл. Алгачкы жыйынтыктар” аттуу докладды сунуштамакчы. Ошондой эле Сооронбай Жээнбековдун Россия Федерациясынын Президенти Владимир Путин менен эки тараптуу жолугушуусу болжолдонууда. 

Жолугушууда соода-экономикалык жана маданий-гуманитардык кызматташуунун бардык алкактары, евразиялык мейкиндикте кызматташууну алдыга жылдыруу маселелери талкууланат. Мындан тышкары Президент Сооронбай Жээнбеков Армения Республикасынын Премьер-министри Никол Пашинян менен жолугушат. 

Эгерде ката тапсаңыз, текстти белгилеп Ctrl+Enter басыңыз