Маданият

Бишкекте дүйнө элдеринин эпосторунун фестивалы өтөт image

26 Июнь, 2019 1910

Бишкекте дүйнө элдеринин эпосторунун V фестивалы 27-июнда башталат. Бул тууралуу Маданият, маалымат жана туризм министрлиги кабарлады. Билдирүүгө ылайык, иш-чарага КМШ, Балтия жана Грузиядан 60тан ашуун окумуштуу менен илимпоздор катышат. 

Фестивалдын коноктору иш-чаранын илимий-практикалык жана маданий бөлүгүнө күбө боло алышат. Анын алкагында этникалык мурасты сактоо жана жайылтуу маселелерине арналган симпозиум өтөт. Ал эми маданий программада көчмөндөр кийимдеринин көргөзмөсү, уз-чеберлердин колунан чыккан эмгектердин жарманкесин уюштуруу да каралууда. 

Мындан тышкары, фестивалдын жүрүшүндө "Мыкты боз үй", "Көчмөн стили", "Мыкты манасчы" жана "Мыкты дастанчы" сыяктуу сынактар болот.

Эгерде ката тапсаңыз, текстти белгилеп Ctrl+Enter басыңыз