Өзгөчө кырдаал

Арыста депо кампасынан өрт чыкты image

12 Июль, 2019 1087

Түркстан облусунун Арыс шаарындагы ремонт-эксплуатациялык депосунун кампасынан өрт чыкты. Бул тууралуу Өзгөчө кырдаалдар комитети билдирди.

Өрт өчүрүлдү. Ага ондон ашуун техника менен 55 өрт өчүрүүчү, өрткө каршы поезд менен Арыс станциясынын кызматкерлери тартылды. Өрт 2040 чарчы метр аймакты курчаган. Өзгөчө кырдаалар комитетинин өкүлү Нурсултан Нурахметовдун билдиришинче, тилсиз жоого курулуш жумуштары учурунда өрт коопсуздугу сакталбаганы себеп болгон. Өрттөн жабыр тарткандар жок.

Арыстагы 24-июндагы жарылууда үч адам ажал таап, ондогон жаран жарадар болгон. Шаардагы турак жайдын 85% жакыны жабыркаган.

Расмий маалыматтар боюнча шаарды калыбына келтирүүгө 52 миллион доллар керектелет.

Эгерде ката тапсаңыз, текстти белгилеп Ctrl+Enter басыңыз