Өзгөчө кырдаал

Нөшөрлүү жамгырдын кесепетинен Талас районунда суу каптады image

25 Апр, 2016 1158

24-апрелде жааган нөшөрлүү  жамгырдын кесепетинен Талас районунда Чат-Базар айылында 1 турак жай жана 2  үйдүн короосун суу каптады. Алдын ала алынган маалымат боюнча жабыркагандар жана кыйроолор жок. Учурда райондук жарандык коргонуу комиссиясы жеринде иш алып барууда,-деп билдиришет өзгөчө кырдаалдар министрлигинин басма  сөз кызматы.

23-апрелден 24-апрелге  караган түнү Кызыл-Туу айыл аймагынын Алмалуу-Булак айылынын Үч-Чат участкасында болжол менен көлөмү 1 миллион 200 миң метр куб  жер көчкү жүргөн. Жер көчкүдөн жайыт жериндеги 1 чабандын үйүн жана 1 сарайын зыянга учуратып,   2 чабандын үйүнө кооптуу абал түзүлгөн. Кырсыктан жабыр таркандар болгон жок. Учурда  жер көчкүнүн жылуусу активдешип  Алмалуу суусуна жетип, суунун нугун тосуп калды. Адистер  Алмалуу суусу 1 секундасына 10литр агат, жер көчкү андан ары дагы жылса, Алмалуу суусу толук тосулуп калуу коркунучу  жаралууда. Алмалуу суусу тосулса, 8 чакырым төмөн жакта жайгашкан 73 кожолугу бар Алмалуу-Булак айылына коркунуч жаратышы мүмкүн. Азыркы тапта  жергиликтүү  тургундарга түшүндүрүү иштери жүргүзүлүүдө, жер көчкүнү  айыл аймактын жетекчиси жана жайыт комитети көзөмөлгө алуусу сунушталды.

Эгерде ката тапсаңыз, текстти белгилеп Ctrl+Enter басыңыз