Кырсык

Бишкек шаарында жол кырсыгы катталып, эки адам жабыркады image

2 Авг, 2019 284

Бишкек шаарында мотоцикл менен «Хонда Фит» унаасы кагышкандан кийин эки жигит жабыркады. Алардын абалы орточо оор. Бул тууралуу бүгүн, 2-августта Саламаттыкты сактоо министрлигинин басма сөз кызматы билдирди.

«Кырсыктын кесепетинен 25-24 жаштагы эки жигит жабыркады. Бирөө нейротравматология бөлүмүнө, ал эми экинчиси травматология бөлүмүнө жаткырылды. Экөөнүн тең баш мээси чайкалган», - деп айтылат маалыматта. 

Кечээ, 1-августта саат болжол менен 22:30 чамасында «Сария» кафесинин бет маңдайында, тактап айтканда Сухэ-Батор көчөсүндө мотоцикл менен «Хонда Фит» унаасы кагышкан.

Эгерде ката тапсаңыз, текстти белгилеп Ctrl+Enter басыңыз