Коом

Ош шаарында жаңы бала бакчанын курулушу башталды image Фото: Osh Meriya

16 Авг, 2019 405

Ош шаарынын Амир-Темир муниципалдык аймактык башкармалыгына жаңы бала бакчанын курулушу башталды. 

100 орундуу бала бакчанын пайдубалына капсула салуу аземине Ош шаарынын мэри Таалайбек Сарыбашов катышып, курулуштун сапаттуу жүрүшүн жеке көзөмөлүнө алаарын билдирди. Бул тууралуу шаардык мэриянын басма сөз кызматынан билдиришти. Бала бакча бардык шарты менен эки кабаттуу болуп курулат. 


Ош шаарына жыл сайын бала бакча курушубуз керек. Быйылкы жылы Юго-Восток жана Амир-Темирге бала бакча курабыз. Анткени аталган кичи райондордо бала бакча жетишсиз. Үнөмдөлгөн акчага үчүнчү бала бакчаны да куруу пландалган. Шаарда бала бакча тартыш. Ошондуктан жергиликтүү бюджеттин эсебинен бакчаларды куруп, маселени чечиш керек. Эң биринчи кезекте курулуштун сапатына көңүл бурулат ,-деди калаа башчысы Т. Сарыбашов. 

Мэр Амир-Темирдин жашоочулары менен да жолугушуп, жасалып жаткан иштер тууралуу маалымат берди. Бала бакча ушул жылы пайлаланууга берилет. Курулуш иштерине жергиликтүү бюджеттен 23,7 млн сом бөлүнгөн.



Эгерде ката тапсаңыз, текстти белгилеп Ctrl+Enter басыңыз