Спорт

Кыргыз спортчулар каратэ боюнча ачык Азия чемпионатында медаль тагынышты image

1 Окт, 2019 173

Кыргызстандык спортчулар каратэ боюнча ачык Азия чемпионатында төрт медалга илиништи. Бул тууралуу команданын өкүлү Евгений Токсабаев билдирди. Турнир 28-29-сентябрь күндөрү Нур-Султан шаарында өттү. Медалдар “фулл-контакт” жана “ашихара каратэ” бөлүмдөрүндө ойнотулду. 

Мелдешке Кыргызстан, Казакстан, Туркмөнстан, Туркия жана Өзбекстандан спортчулар катышты. Кыргызстандын намысын коргоого төрт спортчу барып, баары жеңишке ээ болушту. “Фулл-контакт” бөлүмүндө Эмиль Акматов жана Абдуль-Азиз Полтаев өздөрүнүн салмактык категориясы боюнча күмүш, Роман Гура коло, ал эми “ашихара каратэ” бөлүмүндө Валентина Благодарова күмүштү камсыздашты. Жалпы командалык оюнда Кыргызстандын курама командасы үчүнчү орунду ээледи.

Эгерде ката тапсаңыз, текстти белгилеп Ctrl+Enter басыңыз