Коом

Баткен - Фергана иш - чараларынын планына кол коюлду image Фото: www

13 Март, 2020 509

Өкмөттүн Баткен облусундагы өкүлү Алишер Абдрахманов жана Өзбекстандын Фергана облусунун башчысы Шухрат Ганиев Баткен шаарында жолугушту. Бул тууралуу өкүлчүлүктөн билдиришти. 

Облус башчылары эки тараптуу кызматташуунун келечегин талкуулап, эки элдин карым-катнашын, облустар аралык социалдык-экономикалык, маданий байланыштарды чыңдоо, аймактардын коомдук коопсуздугун камсыздоо жаатында учурда иштелип жаткан Баткен - Фергана облустарынын алдыдагы жылдарга иш-чаралар планына кол коюу, бекитүүгө жетишүүнү макулдашышты. 

Биз үчүн кошуна мамлекеттер менен карым-катнаш, кызматташтык өзгөчө мааниге ээ, ошондуктан буга чейин Тажикстандын Согди облусу менен кызматташуу боюнча иш-чаралардын планын бекитүүгө жетиштик, алдыда Фергана облусу менен да бир пикир, бир максат менен пландуу жумуштарды аткарабыз, — деди Абдрахманов.

Эгерде ката тапсаңыз, текстти белгилеп Ctrl+Enter басыңыз