Кыргызстан жаңылыктары

"Центерра" менен "Кумтөрдүн" мурдагы жетекчилерине издөө жарыяланды image

17 Сент, 2021 6549

УКМК "Центерранын" мурдагы жетекчилигине жана "Кумтөр Голд Компанинин" жогорку жетекчилигине издөө жарыялады. 

УКМКнын мекемелер аралык тергөө тобу «Кумтөр» кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантууда. Тергөөдө канадалык «Центерра» компаниясынын жогорку жетекчилигинин жана «Кумтөр» кенинин оператору «Кумтор Голд Компания» ЖАКтын тиешеси бар экендиги тууралуу жана чет өлкөлүк жарандардын ичинен, 2013 -жылдын декабрында 200 миллион АКШ долларын уурдоо ошондой эле аларды чет элдик компаниянын эсебине алуу боюнча далилдер алынды. 

2013-жылы Кумтөр долбоорун реструктуризациялоо маселеси боюнча өлкөнүн өкмөтүнүн активдүү ишинин жана Центерранын шарттарын кабыл алуу мүмкүн эместиги боюнча парламенттин категориялык позициясынын фонунда, бул компаниянын жетекчилиги "Кумтөр Голд Компани" ЖАКнын жогорку жетекчилиги менен жең ичинен сүйлөшүп алып, жасалма карыздык милдеттенмелер жана кийин дивиденддер катары эсептен чыгаруу боюнча компаниядан 200 миллион доллар чыгарылган. Бул факты боюнча тергөө тарабынан "Центерранын" мурдагы президенти Ян Аткинсон, "Кумтөр Голд Компани" жабык акционердик коомунун башкармалыгынын төрагасы Андрей Сазанов жана Макл Фишер, "Кумтөр Оперейтинг Компания" ЖАК финансы боюнча вице-президенти Джон Сютерлер сыртынан жоопко тартылып издөө жарыяланган. 

Бул кылмыш иши боюнча тергөө уланууда, жыйынтыгы боюнча кызматына карабастан "Кумтөр" долбоорунда өлкөнүн кызыкчылыгына зыян келтирген кылмыштуу аракеттерге катышкан бардык адамдарга укуктук баа берилет.

Эгерде ката тапсаңыз, текстти белгилеп Ctrl+Enter басыңыз