Айыл чарба

Араван районунун дыйкандары түшүмдөрүн базарларга алып чыгып сата баштады image

27 Март, 2020 4884

Араван районунун дыйкандары 2020-жылдын түшүмдөрүн базарларга алып чыгып сата баштады. Алгачкы түшүмдөрү бул чеснок жана көк пияз өсүмдүктөрү. Жергиликтүү базарларда бир боосу 10-15 сомдон сатылып жатат. Буюрса 1-апрелден баштап Ош-Бишкек шаарларынын  базарларына жеткирилип сатыла турганы мерчемделүүдө.2020-жылдын февраль айында отургузулган картошкалар учурда биринчи чабыктан чыгарылып жер бетинен көтөрүлүп, кошумча азыктандырылып жатат. 

Адистердин эсеби боюнча май айынын 2-декадасында алгачкы түшүмү базарларда сатыла баштайт. Ал эми пияздын 2019-жылдын август – сентябрь айларында себилгендеринин түшүмү май айынын башынан баштап базарларда сатылат.Араван району боюнча быйылкы жылы 1650 га жерге эртеги картошка отургузулуп,  90 га күздүк пияз жана чеснок себилген.  

Эгерде ката тапсаңыз, текстти белгилеп Ctrl+Enter басыңыз