Маданият

Түркияда өтө турган IV Дүйнөлүк көчмөндөр оюндары 2021-жылга жылдырылды image

15 Май, 2020 964

Түркияда өтө турган IV Дүйнөлүк көчмөндөр оюндары коронавирус пандемиясына байланыштуу 2021-жылга жылдырылды. Бул тууралуу Жаштар иштери, дене тарбия жана спорт боюнча мамлекеттик агенттик билдирди.

«Бул чечим түрк тилдүү мамлекеттердин жана элдердин жалпы мурасына татыктуу деңгээлде IV Дүйнөлүк көчмөндөр оюндарын уюштуруу, спортчулардын жана бардык катышуучулардын ден соолугун коргоо максатында кабыл алынды», деп жазылат агенттиктин маалыматында.

Белгилей кетсек, IV Дүйнөлүк көчмөндөр оюндарын 2020-жылы күзүндө Түркиянын Бурса шаарында өткөрүү пландалып жаткан. Дүйнөлүк көчмөндөр оюндары Кыргызстандын демилгеси менен үч ирет (2014-жыл, 2016-жыл, 2018-жыл.) Ысык-Көл облусунун Чолпон-Ата шаарында өткөн.

Эгерде ката тапсаңыз, текстти белгилеп Ctrl+Enter басыңыз