Жаңылыктар
17 , Март, 15:53 848

Кыргызстандык Азиз Мадаминов бильярд боюнча Дүйнө Кубогуна катышууда

image

Кыргызстандык Азиз Мадаминов Москва шаарында өтүп жаткан бильярддын "Эркин Пирамида" дисциплинасы боюнча 2021-жылдагы Дүйнөлүк кубокко катышууда. Аталган мелдеш 8-мартта старт алып, 31-майга чейин уланат.

Россиянын бильярд спорту боюнча федерациясынын маалыматына ылайык, турнирге Россия, Беларуссия, Кыргызстан, Украина жана Молдовадан келген спортчулар катышып жатат. Мелдештин байге фонду 1 100 000 рублды түзөт.

Азиз Мадаминов алгачкы беттешин 15-мартта россиялык Иосиф Абрамовго каршы өткөрүп, 6:4 эсебинде жеңишке жеткен. Эми 5-апрелде беларуссиялык Владислав Радионов менен жолугат.

Дүйнө Кубогунун жарым финалдык оюндары 17- 24-май күндөрү болсо, финал 31-май күнү өтөт.

Турнирдин беттештери түз эфир аркылуу «Матч! Страна» каналынан дүйшөмбү күндөрү Бишке сааты боюнча 01:00дө көрсөтүлүп жатат.


Эгерде ката тапсаңыз, текстти белгилеп Ctrl+Enter басыңыз