Logo Түз эфир

Маданият жаңылыктары

24 , Дек, 10:35 1854

Үзүлбөгөн үч муундун өнөрлөрүн камтыган китеп жарык көрдү

image

Нарында "Манас" эпосун айтуучулардын жаңы китебинин бет ачары болуп өттү. Анда "Тыныбек", "Актан", "Табылды" деген аталыш менен чыккан китепте үч муундун эпостон айткан үзүндүлөрү жазылган. Атадан балага өтүп келе жаткан өнөрдү Табылды Актанов кагаз бетине түшүрүп, бул китепти Манасты жайылтууну максат кылып, аны келечек муунга арнаганын билдирген. 

Ачылыш аземине автор өзү жана өлкөнүн булуң-бурчунан келген коноктор катышты. Китеп Нарын облустук китепканасынын текчесинен орун алып, окурмандардын сынына коюлду.

“Үзүлбөгөн үч муундун өнөрлөрү мына ушул китепте чагылдырылган. Жаңыдан эле басмадан чыгып, автор өзү окурмандарга сунуп жатат. Анан мында Манас урпактан урпакка өтүп келе жатканын тастыктаган. Табылды өзү Манас айтып келе жаткан үч муундун үчүнчүсү болуп эсептелинет”,- деди Нарын облустук китепканасынын директору Дамира Баратбаева. 

Эгерде ката тапсаңыз, текстти белгилеп Ctrl+Enter басыңыз