Коомдук телерадиоберүү корпорациясынын Байкоочу кеңеши

Коомдук телерадиоберүү корпорациясынын Байкоочу кеңешинин курамы

Жыпар Жекшеев / КТРКнын Байкоочу кеңешинин төрагасы

1971-жылы Көркөм сүрөт училищесинде билим алган. Андан соң, 1988-жылы Кыргыз мамлекеттик искусство институтунда окуса, 1999-жылы Кыргыз Мамлекеттик университетинде билимин уланткан. Эмгек жолу: 1971-1979-жылдары сүрөтчү, андан соң Ысык-Көл облусундагы “Көркөм сүрөт” фондусунун директору болуп иштеген. 1993-жылы “Кыргызстандын демократиялык кыймылы” саясий партиясынын төрагасы, 1995-2000-жыл аралыгында Жогорку Кеңештин депутаты болуп иштеген. 2005-жылы, Бишкек шаарындагы жана анын тегерегиндеги жер басып алуучулукту токтотуу максатында түзүлгөн Мамлекеттик комиссиянын төрагасынын орун басары болуп дайындалган. 3 китептин жана коомдук-саясий көйгөйлөр туурасында жазылган 100дөн ашык макаланын автору. КТРКнын Байкоочу кеңешине Президент тарабынан сунушталган.

Жылдыз Бакашова

Филология илимдеринин доктору, профессор. Кыргыз мамлекеттик улуттук Университеттин журналистика бөлүмүн бүтүрүп, кийин илимий даражаларын жактаган. КМУда окутуучу, кафедра жетекчиси жана декан, Жогорку Кеңеште эксперт, Тышкы иштер министрлигинин дипломатиялык академиясында проректор болуп иштеген. Учурда улуттук китепканынын директору. 2010-жылы дайындалган биринчи байкоочу кеңештин мүчөсү. Байкоочулар кеңешине Жогорку Кеңеш тарабынан сунушталган.

Анаш Кадырова

Кыргыз Республикасынын маданиятына эмгек сиңирген ишмер, жогорку билимдүү филолог. Радио жана телекөрсөтүү боюнча жогорку категориядагы диктор, КТРКнын мурдагы директорунун орун басары. Теле жана радио тармагында жигердүү эмгеги үчүн СССРдин жана Кыргыз Республикасынын телекөрсөтүү жана радио уктуруу мамлекеттик комитетинин диплому менен сыйланган; Чыңгыз Айтматов атындагы маданият кызматкерлеринин ассамблеясынын сыйлыгынын лауреаты, Кыргыз Республикасынын Журналисттер союзунун мүчөсү. КТРК Байкоочу кеңешине жарандык коом тарабынан сунушталган.

Игорь Шестаков

Медиа-окутуучу, саясат таануучу. Орусиялык Гуманитардык университеттин юридикалык факультетин бүтүргөн. Журналисттик ишмердүүлүгүн «Вечерний Бишкек» гезитинен баштаган. ОРТнын “Время” берүүсүнүн өз кабарчысы, “Интерфакс” маалымат агенттигинин Кыргызстандагы бюросунун шеф-редактору, «Российская газета» басылмасынын Борбор Азия боюнча боюнча өкүлчүлүгүнүн директору, «КирТАГ» маалымат агенттигинин башкы редактору болуп иштеген. Учурдааналитикалык «Регион.kg» сайтынын башкы редактору. Байкоочулар кеңешине президент тарабынан сунушталган.

Азамат Болгонбаев

Азамат Болгонбаев 2000-жылы Бишкектеги Бүбүсара Бейшеналиева атындагы окуу жайынын “Оркестр жана хор дирижерлугу” факультетинин акын жана дастанчылык өнөрү боюнча сабакты КР эл артисти Замирбек Үсөнбаевдин классынан алган. 2001-жылы КР Маданиятына эмгек сиңирген ишмер Садык Шер-Нияз тарабынан негизделген "Айтыш" коомдук фондуна мүчө болуп кирип КР эл артисттери Ашыраалы Айталиевдин, Тууганбай Абдиевдин жанында шакирт болуп устаттарынын өмүрүнүн акырына чейин өнөр үйрөнгөн. Азамат Болгонбаев чоң айтышка алгачкы жолу 2001-жылы 17 жаш курагында чыгып элдин ак батасын алган. Бир нече жолку Республикалык жана Эл аралык айтыштардын жеңүүчүсү жана байгелүү орундардын ээси. КТРКнын Байкоочу Кеңешине жарандык коом тарабынан сунушталган.

Айбек Карымов

1986-1987-жылы Таш-Көмүр шаарындагы №111 кесипчилик техникалык окуу жайын аяктап, 1990-1993-жылдары Жалал-Абад облусундагы Б.Алыкулов атындагы маданият техникумун артыкчылык диплому менен бүтүргөн. Ал эми 2001-2006-жылы И. Арабаев атындагы кыргыз мамлекеттик университетинин искусство факультетинде билим алган. «Бейне-Групп» компаниясынын жана «Бейне-Өнөр» коомдук фондунун негиздөөчүсү. 2014-жылы Маданияттын мыкты кызматкери болгон жана бир нече ардак грамота, сыйлыктардын ээси болгон. КТРКнын Байкоочу кеңешине жарандык коом тарабынан сунушталган.

Айгүл Джунушалиева

Ж.Баласагын атындагы Кыргыз Улуттук университетин «Экономика» факультетин кызыл диплом менен аяктаган. Алты жылдан ашык «Азаттык» мекемесинде корреспондент, модератор болуп иштеген. Мындан тышкары, радиостанциянын веб-сайтына макалаларды жазып, «Азаттык плюс» телеберүүсү үчүн репортаждарды даярдаган. Мындан тышкары IWPRдын (Согушту жана тынчтыкты чагылдыруу институту) контрибьютору болгон. Журналистика боюнча Чехия мамлекетинин Прага шаарында стажировкадан өтүп келген. Ошондой эле, басма сөз жана телеберүү жаатындагы реклама чөйрөсүндө жети жылдай эмгектенген. Учурда мамлекеттик органдардын коомдук кеңештеринин Координациялык кеңешинин ПР-адиси болуп эмгектенет. КТРКнын Байкоочу кеңешине жарандык коом тарабынан сунушталган.

Чолпон Турдалиева

Турдалиева Чолпон Джапарбековна тарых илимдеринин доктору, үч монографиянын жана 50дөн ашуун Кыргызстандын жана Борбордук Азиянын тарыхы жана маданиятына байланыштуу жазылган макалалардын автору. 2016-жылы Колумбия университетинде тажрыйба топтоо максатында эмгектенген (стажировка) жана Вашингтон университетине 2004-2005-жылдары Фулбрайт программасынын алкагында профессор катары чакырылган, ошондой эле көптөгөн эл аралык программа жана фондулардын грантеру болуп эсептелет. Турдалиева "Музей демилгелер борбору" өкмөттүк эмес уюмунун директору катары улуттук жана эл аралык маданий долбоорлорду жетектөөдө. КР ПРезидентине караштуу Кыргызстандын тарыхын изилдөө боюнча комиссиянын мүчөсү. Учурда ал Борбордук Азиядагы Америкалык университеттин Антропология программасынын профессору. КТРКнын Байкоочу кеңешине КРнын Жогорку Кеңеши тарабынан сунушталган. КТРКнын Байкоочу кеңешине КРнын Жогорку Кеңеши тарабынан сунушталган.

Нурия Айдабасунова

Нурия Айдабасунова 1974-жылы Мичурин атындагы Мамлекеттик Педагогикалык Институттан билим алып, орус филологиясы боюнча адис болуп чыккан. Эмгек жолу: 1974-1977-жж. Кочкор району, завуч; 1977-1985- жж. Нарын педагогикалык училищеде окутуучу; 1986-2010-жж. Бишкек шаары №49, 68, 32 мектептерде мугалим; 2010-жылдын апрелинен «Мекен шейиттери» жарандык коомунун теңтөрайымы; 2012-2013-жылдары КРнын сотторду тандоо боюнча Байкоочу кеңешинин мүчөсү.

Кубат Болотканов

Болотканов Кубатбек Болотканович – 1975-жылы төрөлгөн. Жогорку билимдүү, юрист. 2011-2012-жылдары «Учкун» басмаканасынын жетекчиси болуп эмгектенген. 2012-жылдын декабрь айынан тарта Бишкек шаардык кеңештин «Республика» партиясынын депутаты болгон. 2013-жылдын сентябрь айынан баштап КТРКнын генералдык директорунун телеберүүлөр боюнча орун басарынын кызматын аркалаган. КТРКнын Байкоочу кеңешинин мүчөлүгүнө Жогорку Кеңеш тарабынан сунушталган.

Ниязова Жылдыз

Юридика илимдеринин кандидаты, күбөлөндүрүлгөн медиатор, Кыргыз Республикасынын Адвокатура окуу борборунун тренери, Кыргызстан эл-аралык университетинин эл аралык жана ишкерлердик укук кафедрасынын доценти, БУУнун Балдар фондусунун “Балдарды коргоо программасы” долбоорунун серепчиси (ЮНИСЕФ) КТРКнын Байкоочу кеңешинин мүчөлүгүнө Жогорку Кеңеш тарабынан сунушталган.

Сыягүл Караман

Бишкек гуманитардык университетинин кыргыз-орус факультетинин бүтүрүүчүсү. Эмгек жолун орто мектепте орус тил жана адабияты мугалими болуп баштаган. “Кабар” Кыргыз улуттук маалымат агентствосунда журналист, жооптуу редактор, андан кийин телерадиокомпанияларда “Жаңылыктар” бөлүмүндө корреспондент-репортер жана телепрограммалардын алып баруучусу болуп эмгектенген. Мындан башка парламенттик долбоордун эксперти жана “Бир Бол” саясий партиясынын координатору болуп иштеген. Журналисттер арасындагы республикалык бир нече сынактардын, Кыргызстандагы Internews Network уюштурган «Стремление» сынагынын жеңүүчүсү. Кыргыз Республикасынын Жогорку Кеңешинин жана бир нече министерстволорунун Диплом жана Ардак Грамоталары менен сыйланган. Бир нече даректүү тасмалардын автору жана режиссеру. Учурда эркин медиа-эксперт. КТРКнын Байкоочу кеңешине Кыргыз Республикасынын Президенти тарабынан сунушталган.

Жылдызбек Керимбаев

Кыргызстандагы “Комсомольская правда” гезитин басып чыгарган. Жусуп Баласагын атындагы Кыргыз Улуттук Университетинин “Журналистика” факультетин аяктаган. «Дастан» технологиялык университетинде менеджменттик кесибин окуган. «Комсомольская правда» гезитинин Кыргызстандагы өкүлчүлүгү болуп, 20 жылдан ашуун эмгектенип, баардык баскычтардан өтүп, башкы директорунун жарнамалык менеджери болгон. “”Коммерсант” жана “Новая газета” гезиттеринде иштеп тажрыйба топтогон. Маалыматтык сайттарды ишке киргизүүдө көптөгөн долбоорлорго катышкан. КТРКнын Байкоочу кеңешине Кыргыз Республикасынын Президенти тарабынан сунушталган.