http://www.ktrk.kg/Борбор калаада "Салттуу музыка жумалыгы"  башталды

Борбор калаада "Салттуу музыка жумалыгы" башталды

22 Апр , 9:18 780

Эгерде текстте ката тапсаңыз, белгилеп Ctrl+Enter басыңыз

Бишкек шаарында кыргыз элинин улуттук аспаптарын даңктаган «Салттуу музыка жумалыгы» башталды. Ага чет элдик өкүлдөр дагы келип катышат. Аталган иш-чараны Маданият, маалымат жана туризм министрлиги  “Кыргыздын салттуу музыкасы” фонду менен  биргеликте уюштурушкан.


Салттуу музыка жумалыгынын программасы:

22-апрель

11:00

К. Молдобасанов атындагы КУК Лекция: “Салттык музыкалык искусствону заманбап изилдөө маселелери жана жашоо турмуштагы орду” Баяндамачы: Саида Елеманова – Казахстан Республикасынын Нур-Султан  шаарындагы Улуттук Өнөр университетинин профессору, искусство таануу илимдеринин кандидаты, Казакстандын маданиятына эмгек сиңирген ишмер. 

14:00

М.Күрөңкеев атындагы музыкалык окуу жайында лекция жана жолугушуу: “Салттык музыкалык искусство – Борбордук Азиянын музыкалык маданиятынын феномени”,  “Аспаптар – этностун руханий мурасы” Баяндамачы: Искусство таануу илимдеринин доктору, Ташкенттеги Мамлекеттик консерваториянын профессору Р. С. Абдуллаев.

18:00

Т. Абдымомунов атындагы КУАДТ Салттуу музыкалык искусствонун айтуучулук багытына арналган манасчы, дастанчы, төкмө акындардын концерти.


23-апрель

11:00

К. Молдобасанов атындагы КУК мастер-класс: Түрк тилдүү элдердин руханий мурасы – ЖЕТИГЕН аспабы (Казак жетигенинин мисалында) – Курмангазы атындагы Улуттук консерваториясынын окутуучусу, “Каусар” жетигенчилер тобунун жетекчиси Нургул Жакыпбек кызы. Казакстан

14:00

К. Молдобасанов атындагы КУК “Борбордук Азиянын Салтуу музыкалык маданиятынын бүгүнкү абалы жана аны сактоо, изилдөө маселелери” Искусство таануу илимдеринин кандидаты, ICTM дүйнөлүк уюмунун “Макам” изилдөө борборунун жетекчиси Жумаев Александр. Өзбекстан

18:00

Т. Абдымомунов атындагы КУАДТ Салттуу музыкалык искусствонун аспапчылык  багытына арналган комузчу, кыякчы, чоорчу аспапчылардын  концерти.

24-апрель

 09:00

Улуттук илимдер Академиясы “Салттуу музыкалык искусство этностордун дүйнө таанымында жана маданиятында” аттуу Эл аралык илимий-практикалык конференция.

18:00

Т. Абдымомунов атындагы КУАДТ Салттуу музыкалык искусствонун аваздык-аспапчылык  багытына арналган элдик жана автордук чыгармаларды аткарган ырчылардын концерти.

25-апрель

15:00

"Ала Тоо" аянтында Улуттук аспаптарды жасаган усталардын мастер-класстары жана көргөзмө-жарманке. Кыргыздын жана Кыргызстанда жашап жаткан этностордун маданиятын таанытууга арналган кол өнөрчүлөрдүн, сүрөтчүлөрдүн көргөзмө-жарманкеси.

17:30

"Салттуу музыка күнүнүн" 15 жылдыгына арналган Жумалыктын жабылыш Гала-концерти. Оозеки салттагы профессионалдык музыкалык искусствонун алып жүрүүчүлөрү: манасчы, дастанчы, акындардын, комузчу, кыякчы, чоорчулардын, элдик жана автордук чыгармаларды аткарган авазы таңшыган ырчылардын катышуусунда.

 

Новости по дате