http://www.ktrk.kg/Жаңы оорукана - жаркын келечек

Жаңы оорукана - жаркын келечек

22 Апр , 22:31 474

Эгерде текстте ката тапсаңыз, белгилеп Ctrl+Enter басыңыз

Дал ушул санариптештирүү , жаңы курулган Ош шаардык клиникалык ооруканасында ишке кирди. Электрондук тейлөө киргизилип, коррупциялык элементтерге бөгөт коюлду. Жаңы оорукананы Кытай өкмөтү гранттык негизде акысыз куруп берди. Ачылышына мамлекет башчы Сооронбай Жээнбеков катышты.

Кытай өкмөтү тарабынан гранттык негизде курулган оорукананын наркы 1млрд. 800 млн. сомго бааланган. Медициналык комплекстин ачылуу салтанатына мамлекет башчы Сооронбай Жээнбеков катышты. Президент өз сөзүндө, кыргыз-кытай алакалары бардык тармакта ырааттуу бекемделип жатканын, буга эки мамлекеттин расмийлеринин ортосунда жетишилген бир катар ири долбоорлордун ишке ашырылып жатканы далил экенин билдирди. 

Ооруканананын кызыл тасмасы кесилип, расмий пайдаланууга берилди. Президент андагы шарттар менен жакындан таанышты. Комплекс толугу менен электрондук тейлөөгө өткөн. Ар бир бөлмөго видео көзөмөл орнотулган. Бирдиктүү база түптөлгөн. Санариптештирүү жылынын алкагында, электрондук тейлөө ыкмасы киргизилди. 

Имарат амбулаториялык, стационардык, илимий-изилдөө кеңсеси, акыркы үлгүдөгү заманбап медициналык жабдуулары жана тез жардам унаасы менен тапшырылды. 150 бейтапка ылайыкташкан оорукананын күнүнө 200 бейтапты кабыл алуу мүмкүнчүлүгү бар. 3 кабаттан турган комлекстин аянты 25 миң чарчы метрди түзөт.






Новости по дате