http://www.ktrk.kg/Мамлекеттик каттоо кызматынын 88 кызматкери жоопко тартылды

Мамлекеттик каттоо кызматынын 88 кызматкери жоопко тартылды

27 Дек 2018 , 23:32 2779

Эгерде текстте ката тапсаңыз, белгилеп Ctrl+Enter басыңыз

Мамлекеттик каттоо кызматынын 88 кызматкери кызмат көрсөтүүдөгү мыйзам бузуулары боюнча жоопко тартылды. Башкы прокуратуранын коррупцияга каршы жана мыйзамдардын аткарылышына көзөмөл жүргүзүү башкармалыгы билдиргендей, каттоо кызматында жалпысынан 608 мыйзам бузуу аныкталган. Алардын катарында унааларды каттоо, паспорт берүү жана чет элдик жарандарга медициналык акы төлөнүүчү кызмат көрсөтүү бар.

Башкы прокуратуранын коррупцияга каршы аракеттенүү жана мыйзамдардын аткарылышына көзөмөл жүргүзүү башкармалыгы мамлекеттик каттоо кызматында бир жылда 218 текшерүү жүргүзүп, 608 мыйзам бузууну аныктаган. Бул боюнча 218 прокурордук актылар келтирилип, 88 кызматкер жоопкерчиликке тартылып, мамлекеттин пайдасына 125 миллион сом өндүрүлгөн.

Сырттан келген унааларды мыйзамсыз каттоодон мамлекеттин бюджетине 10 миллион сомдон ашык зыян келген.
Мындан сырткары, мамлекеттик каттоо кызматына караштуу калкты жана жарандык абалдын актыларын каттоо департаментинде жүргүзүлгөн текшерүүлөрдө, мыйзамсыз жарандарга паспорт жана туулгандыгы тууралуу күбөлүк, каза болгон жарандардын атына башка жарандарга документтерди берүү, чет өлкөлүк жарандарга паспорт, туулгандыгы тууралуу күбөлүк берүү фактылары аныкталып, алар боюнча кылмыш иштери козголду.

Мыйзамсыз кызмат көрсөтүү ошондой эле кадастр жана кыймылсыз мүлккө укуктарды каттоо департаментинде жана аймактык башкармалыктарында да аныкталган.

Башкы прокуратуранын коррупцияга каршы аракеттенүү жана мыйзамдардын аткарылышына көзөмөл жүргүзүү башкармалыгы мындан сырткары Архитектура, курулуш жана турак жай коммуналдык чарба мамлекеттик агенттигинде жана анын түзүмдүк бөлүмдөрүн текшерип, акы төлөнүүчү кызматтар мамлекеттик кызмат көрсөтүүлөрдүн бирдиктүү Реестрине киргизилбегенин аныктаган.
Ошондой эле саламаттык сактоо тармагында да мыйзам бузуулар белгилүү болгон. Алсак, чет элдик жарандарга акы төлөнүүчү медициналык кызмат көрсөтүүдө мыйзам бузуу фактылары ачыкка чыккан. 2017-жылы КМШ жарандарынан медициналык кызмат көрсөтүүдөн 839 миң сом акы алынган. Иш жүзүндө көрсөтүлгөн медициналык жаардамдын баасы 505 700 сомду түзгөн. 



Новости по дате