http://www.ktrk.kg/2019-жылы өлкөдө күйүүчү майдын баасы туруктуу болот

2019-жылы өлкөдө күйүүчү майдын баасы туруктуу болот

1 Янв , 15:13 766

Эгерде текстте ката тапсаңыз, белгилеп Ctrl+Enter басыңыз

2019-жылы өлкөдө күйүүчү жана майлоочу майга таңсыктык жаралбайт жана баасы да туруктуу болот. Орусиянын Президенти Владимир Путин, Россия Федерациясы менен Кыргызстандын ортосундагы мунайды жана мунай азыктарын ташуу боюнча өкмөттөр аралык келишимди бекемдеген мыйзамды ратификациялоо боюнча протоколго кол койду. Ага чейин бул келишимге эки мамлекеттин өкмөт өкүлдөрү кол койгон болчу. Бул келишим Кыргызстанга эмне берет? 



Эгер буга чейин Кыргызстанда күйүүчү жана майлоочу майга таңсыктык жаралып, мезгилдүү баасы да туруктуу болбой калган учурлар болгон болсо мындай көрүнүштөргө чекит коюлду. Эми дыйкандар үчүн да күйүүчү майдан тартыштык болбойт. Орусиянын президенти Владимир Путин Россия Федерациясы менен Кыргызстан ортосундагы мунайды жана мунай азыктарын ташуу боюнча өкмөттөр аралык келишимди бекемдеген мыйзамды ратификациялоо боюнча протоколго кол койду. 


Эки жыл мурда түзүлгөн келишимди бекемдеген протоколго быйыл Москвада кол коюлган. Документке ылайык Орусиядан Кыргызстанга ташыла турган мунай жана мунай азыктарын ташуунун тартибин такталды.

Келишимде көрсөтүлгөндөй Орусия тарап Кыргызстан керектөөгө зарыл болгон өлчөмдөгү мунай жана мунай азыктарын ташууда бажы алымын албайт.





Новости по дате