http://www.ktrk.kg/Шанхай кызматташтык уюмунун саммитин өткөрүүгө карата даярдыктар талкууланды

Шанхай кызматташтык уюмунун саммитин өткөрүүгө карата даярдыктар талкууланды

11 Янв , 0:04 451

Эгерде текстте ката тапсаңыз, белгилеп Ctrl+Enter басыңыз

Шанхай кызматташтык уюмуна мүчө мамлекеттердин башчыларынын саммити Кыргызстанда быйылкы жылга белгиленген эң ири, маанилүү делген иш-чаралардын катарында. 

14-15-июнь күндөрү дүйнөнүн назары Бишкекке бурулат. Президент абройлуу уюмдун башчыларынын жолугушуусун жана саммиттин алкагында каралып жаткан иш-чараларды жогорку деңгээлде өткөрүүнү тапшырды.

Былтыр Циндао шаарында болгон саммитте уюмга төрагалык кылуу озуйпасы Кытайдан Кыргызстанга өткөрүлгөн. 

Андан бери ШКУга мүчө мамлекеттердин Юстиция министрликтеринин, Айыл чарба министрликтеринин, Эсептөө палаталарынын, Чек ара кызматтарынын башчыларынын жана аймактык террорго каршы кызматташтык кеңештин отурумдары болуп өттү. Алдыда коргонуу мекемелеринин, Тышкы иштер министрлеринин, ошондой эле Коопсуздук кеңешинин катчыларынын жолугушуулары да күтүлүп жатат.

Шанхай кызматташтык уюмунун мамлекет башчыларынын саммити буга чейин Бишкекте 2007чи жана 2013-жылдары уюштурулган. Бул ирет жаңы мүчө өлкөлөрдүн лидерлеринин катышуусу менен өткөнү турат. 

Мындан сырткары байкоочу макамына ээ Ооганстан, Белоруссия, Иран жана Монголиянын президенттери да катышаары күтүлүүдө.



Новости по дате