http://www.ktrk.kg/С.Жээнбеков Дача-Судагы кырсыктан жакындарын жоготкон балдар менен жолугушту

С.Жээнбеков Дача-Судагы кырсыктан жакындарын жоготкон балдар менен жолугушту

15 Янв , 19:17 1289

Эгерде текстте ката тапсаңыз, белгилеп Ctrl+Enter басыңыз

Бишкектин четиндеги Дача-Су айылына жүк ташуучу учак кулап, кырсык орун алганына быйыл эки жыл болду. 

2017-жылдын 16-январында Гонконг-Бишкек-Стамбул каттамы боюнча келаткан «Боинг-747» учагы Бишкекке коно албай, “Манас” аэропортунун батыш тарабына кулаган. 

Бүгүн президент Сооронбай Жээнбеков ошол кырсыкта жакындарын жоготкон балдар менен жолугушту. Өлкө башчысы балдарга дагы бир жолу көңүл айтып, бул күн кыргызстандыктардын эң кайгылуу күн катары эсинде калганын белгиледи. 

Жолугушууда өлкө башчысы балдарга Чынгыз Айтматовдун чыгармалары басылган китептерди белекке берди. Президенти менен жолугушууга жакындарын жоготкон балдар - Шералиев Жакшылык, Абакиров Султан, Райымкулова Элайым, Нурлан уулу Мирлан, Шаршенбеков Эрлан жана Карыпбаева Сайкал жакын туугандарынын коштоосунда келишти.

Мындан бир жыл мурун учак кырсыгынан каза тапкандардын элесине арналып Дача Су айылына эстелик тургузулган. Эскерүү иш-чаралары 16-январда мына ошол конушта өтүп, каза болгондорго куран окулат.






Новости по дате