http://www.ktrk.kg/Кыргызстанда ак калпакка макам берүү сунушталууда

Кыргызстанда ак калпакка макам берүү сунушталууда

21 Янв , 11:25 2748

Эгерде текстте ката тапсаңыз, белгилеп Ctrl+Enter басыңыз

Кыргызстанда ак калпакка "өлкөнүн маданий символу" деген макам берүү сунушталып жатат. Тиешелүү мыйзам долбоору 21-январда Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин жыйынында талкууланат.

Долбоордун авторлору — "Республика — Ата Журт" фракциясынан Экмат Байбакпаев жана "Бир Болдон" Бакирдин Субанбеков. Буга чейин кыргыздын улуттук баш кийими — калпакты мазактагандарды жазалоо тууралуу мыйзам долбоору иштелип чыгып, коомдук талкууга коюлган. 

Эгер сунуш колдоо тапса, жеке адамдар үчүн 10, ал эми юридикалык жактар үчүн 50 эсептик көрсөткүч өлчөмүндө айып пул салынары айтылган. Кыргызстанда Ак калпак күнүн өткөрүү боюнча 2011-жылы демилге көтөрүлүп, 2017-жылы Жогорку Кеңеш 5-мартты Ак калпак жана улуттук кийимдер күнү деп жарыялаган.

Новости по дате