http://www.ktrk.kg/Мектеп окуучулары иске ууланды

Мектеп окуучулары иске ууланды

30 Янв , 9:26 1027

Эгерде текстте ката тапсаңыз, белгилеп Ctrl+Enter басыңыз

29-январда кечки саат алтылар чамасында Ош облустук балдар ооруканасына мектеп окуучулары келип түшкөн. Алар Алай районундагы Самат Ашимов атындагы орто мектептин 4-классынын окуучулары болгон. Дарыгерлердин айтымында, мектеп окуучулары көмүрдүн исине ууланган. 

Алгачкы келип түшкөн 15 окуучунун ичинен үчөө көбүрөөк ууланганы аныкталган. Калган 8 бала алдын алуу иретинде текшерүүдөн өткөн. Класста жалпы 23 окуучу билим алат. Бүгүн эртең менен балдардын баары үйлөрүнө чыгарылды.

"Баарына медициналык жардам көрсөтүлүп, дарыланышты. Абалдары барыныкы жакшы, кооптонууга негиз жок. Азыр балдар үйлөрүнө чыгарылды",- деп билдирди Ош облустук балдар ооруканасынын башчысынын орун басары Адыл Алымкулов. 


Новости по дате