http://www.ktrk.kg/Комуз күнүнө карата 200 комузчу “Маш ботой” күүсүн чертет

Комуз күнүнө карата 200 комузчу “Маш ботой” күүсүн чертет

9 Сент , 10:40 76

Эгерде текстте ката тапсаңыз, белгилеп Ctrl+Enter басыңыз

Бүгүн өлкөдө Комуз күнү. Өлкө президентинин “Комуз күнүн” белгилөө жөнүндөгү жарлыгын ишке ашыруу максатында Маданият, маалымат жана туризм министрлиги тарабынан өлкөдө 8-сентябрда облустарда иш-чаралар өттү. 

Бүгүн 9-сентябрда Бишкекте Калый Молдобасанов атындагы Кыргыз Улуттук консерваториясында “Кыргыз комузу жана комузчулук өнөрү” аттуу илимий практикалык конференция, Токтогул Сатылгановдун айкелинин алдындагы эскерүү иш-чарасы, “Комуз-улуттук сыймык” аттуу залкар комузчулардын көргөзмөсү жана “Таңшы комуз” аттуу гала концерт болот.

Ошондой эле, Комуз күнүнө карата бүгүн, борбордук Ала-Тоо аянтында 200 комузчу Атай Огонбаевдин “Маш ботой” күүсүн чертет. Флешмобко шаардык мектеп, окуу жайлардын жаш аткаруучулары катышат. Комуз күнүнө арналган мындай иш-чара башка аймактарда да белгиленет. 

Эске салсак, Президент Сооронбай Жээнбековдун жарлыгына ылайык, 9-сентябрь “Комуз күнү” деп жарыяланган. Быйыл биринчи ирет майрамдалып жаткан саамалыкта комуз күүлөрү жаңырып, залкар комузчулар эскерилет.

Новости по дате