http://www.ktrk.kg/Президенттин катышуусунда Коопсуздук кеңешинин кезектеги жыйыны башталды

Президенттин катышуусунда Коопсуздук кеңешинин кезектеги жыйыны башталды

24 Янв , 10:32 412

Эгерде текстте ката тапсаңыз, белгилеп Ctrl+Enter басыңыз

"Ала-Арча" мамлекеттик резиденциясында президент Сооронбай Жээнбековдун катышуусунда Коопсуздук кеңешинин кезектеги жыйыны башталды. Коопсуздук кеңешинин 2018-2019-жылдары өткөрүлгөн жыйындарында кабыл алынган чечимдеринин ишке ашырылышынын жүрүшү каралат. Тактап айтканда, Коопсуздук кеңештин 2018-жылдын 8-февралында кабыл алынган "Кыргызстандын сот, көзөмөл жана укук коргоо органдарында коррупцияга каршы күрөшүү боюнча олуттуу чаралар жөнүндө", 2018-жылдын 14-декабрындагы "Кыргызстанды санариптик өнүктүрүү боюнча чаралар жөнүндө", 2019-жылдын 30-январындагы "Кыргызстандын кен казуу чөйрөсүндө коопсуздукту камсыз кылуу боюнча чаралар жөнүндө" чечимдеринин аткарылышы каралат. 

Мындан тышкары, Кыргызстандын стратегиялык объектилеринин тизмегине сунуштар талкууланып, жыйынтыктары боюнча Коопсуздук кеңешинин чечими кабыл алынат.

Новости по дате