http://www.ktrk.kg/Кытайдан гуманитардык жардам келди

Кытайдан гуманитардык жардам келди

26 Март , 16:05 134

Эгерде текстте ката тапсаңыз, белгилеп Ctrl+Enter басыңыз

Коронавирус илдетинин алдын алуу максатында Кытай Кыргызстанга гуманитардык жардам көрсөттү. Коңшу мамлекеттин жардамын “Торугарт” чек ара көзөмөл-өткөрүү бекетинен Өкмөттүн Нарын облусундагы ыйгарым укуктуу өкүлү Эмилбек Алымкулов кабыл алды. 

Гуманитардык жардамды Кытайдын Кызыл-Суу кыргыз автономдук облусунун губернаторунун орун басары Ван Шин Ганг тапшырып, кыргыз элинин бул ооруну тезирээк жеңип чыгуусун каалады. Кытайдан 10 миң даана дарыгерлер үчүн респиратордук беткап, 100 миң даана бир жолу колдонулуучу беткап, ошондой эле 1 миң даана коргонуучу кийим келди. Мындан сырткары, 10 миң даана беткапты Кытайдын Кыргызстандагы элчилигине тапшырылды.


Новости по дате