http://www.ktrk.kg/БШК добуштарды кол менен эсептеп жатат

БШК добуштарды кол менен эсептеп жатат

29 Нояб 2021 , 13:27 203

Эгерде текстте ката тапсаңыз, белгилеп Ctrl+Enter басыңыз

БШК Жогорку Кеңешке шайлоодо берилген добуштарды кол менен эсептей баштады. Саат 12:00гө карата БШКга шайлоо участкаларынан 289 протокол келип түшкөн, бул 11,59 пайызды түзөт. 

Жалпы 3 млн 703 миң 420 жаран шайлоо укугуна ээ болгон. Кыргызстанда парламенттик шайлоо 28-ноябрда өтүп, автоматтык эсептөөнүн алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык чыкты.

Белгилей кетсек, кечээ шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда автоматтык эсептөөдөн түшкөн добуштарды көрсөтүп жаткан сайт маалымат бербей жабылып калган. Өз кезегинде БШК төрайымы бул боюнча жооп берген.

Новости по дате