Жаңылыктар
11 , Дек, 4:46 2235

Айсулуу Тыныбекова эл аралык "Алтын мангуст" сыйлыгын алды

image

Кыргызстандык балбан кыз Айсулуу Тыныбекова эл аралык "Алтын мангуст" сыйлыгынын атайын орденин алды. Сыйлоо аземи 9-декабрда Украинанын Одесса шаарында өткөн.

Бул тууралуу Тыныбекованын машыктыруучусу Нурбек Изабеков билдирди. Орден Айсулуу Тыныбекованын дене тарбияга жана спортко кошкон салымы үчүн ыйгарылды. 

Эске салсак, кыргызстандык балбан кыз 2017-жылы жети турнирге катышып, үч алтын, үч күмүш жана бир коло медаль уткан. 

"Алтын мангуст" сыйлыгы 2009-жылы негизделип, алгач украиналыктарга гана тапшырылган. 2012-жылы эл аралык макамга ээ болгон. Аталган сыйлык атактуу спортчуларга жана спортко салым кошкондорго берилет.


Эгерде ката тапсаңыз, текстти белгилеп Ctrl+Enter басыңыз

Көп окулууда