Жаңылыктар
16 , Март, 4:10 629

Спорттун беш түрү боюнча курама команда Жайкы Азия оюндарына даярдык көрүүдө

image

Жаштар иштери, дене тарбия жана спорт боюнча мамлекеттик агенттиктин алдындагы Спорттун олимпиадалык түрлөрү боюнча дирекциясынын 2018-жылга болгон негизги эл аралык жана республикалык мелдештердин календарлык планына ылайык Кыргыз Республикасынын спорттун беш түрү боюнча курама командасы окуу-машыгуу жыйындарын өткөрөт.

Окуу-машыгуу жыйындары 2018-жылдын 13-марттан 2-апрелге чейин пландалып, Жакарта шаарында (Индонезия) 18-августтан 2-сентябрга чейин өтө турган жайкы Азия оюндарына даярдануу максатында уюштурулган. Курама команда Ысык-Көл облусунда даярданат.

Курама кошуун Жаштар иштери, дене тарбия жана спорт боюнча мамлекеттик агенттиктин алдындагы Спорттун олимпиалык түрлөрү боюнча дирекциясы тарабынан каржыланууда. Дирекциянын бюджетинен 275 миң сом каралган.

Эгерде ката тапсаңыз, текстти белгилеп Ctrl+Enter басыңыз

Көп окулууда