Жаңылыктар
16 , Сент, 0:12 198

Улуттук көчмөндөр оюндары старт алды

image

16-сентябрда Талас шаарында Улуттук көчмөндөр оюндары старт алды. Мелдештин алгачкы күнүндө көк бөрү оюну өтүп, 3 беттеш орун алды. Алгачкы таймашта "А" тайпасында жайгашкан Ош менен Нарын командасы беттешип, 12:0 эсебинде Ош курамасынын пайдасына аяктады.

Экинчи беттеште "В" тайпасында орун алган Бишкек жана Ысык-Көл курамалары ойноду. Биринчи бөлүктө бишкектиктер 4 салымга утулганы менен, оюндун калган бөлүгүндө Ысык-Көлдүн тайказанына 5 улак таштаганга үлгүрдү. Жыйынтыгында 5:4 эсеби катталып, Бишкек курамасы жеңишке жетти.

Күндүн акыркы оюнунда Чүй-Баткен командалары кез келди. Рустам Тыналиев жана Сейитбек Анарбек уулу баштаган чүйлүктөр атаандашын 12:2 ири эсебинде утуп, мыктылыгын далилдей алышты. 

Белгилей кетсек, Улуттук көчмөндөр оюндарын КТРК СПОРТ каналы түз алып көрсөтүүдө. Таймаштарды аталган каналдын ютуб баракчасынан да көрө аласыздар.

Эгерде ката тапсаңыз, текстти белгилеп Ctrl+Enter басыңыз