Кыргызстан жаңылыктары

УКМК популисттик пиардан алыс болууга чакырат image Фото: www

11 Авг, 2022 251

УКМК популисттик пиардан алыс болууга жана тергөө амалдарына кийлигишпөөгө чакырат. Маалыматка ылайык, тергөө коргоо укугун камсыз кылуу менен ар тараптуу, толук жана объективдүү принципти сактоо менен жүргүзүлөт. 

Ага ылайык, айыпталуучу Низовскийге байланыштуу тергөө иш-чаралары адвокаттын катышуусунда жүргүзүлгөн. Катышуучулар Жазык-процесстик кодексинин ченемдери менен так аныкталган. Бирок, ага карабастан Акыйкатчынын өкүлдөрү тергөөчүнүн кабинетине келип, Низовскийдин катышуусунда тергөө амалдары жүргүзүлгөн.Гумандуулуктун жана адамгерчиликтин принциптерин жетекчиликке алуу менен Низовскийдин жаш курагын жана ден соолугунун абалын эске алынып, баш коргоо чарасын «үй камагына» өзгөртүү чечими кабыл алынган. 

«Тергөөнүн объективдүүлүгүнө таасирин тийгизбөө үчүн Акыйкатчы институтун популисттик пиардан алыс болууга жана жүргүзүлүп жаткан тергөө аракеттерине тоскоолдук кылбоого чакырабыз. Ошону менен бирге, УКМК мыйзамдардын талаптарына ылайык, УКМК убактылуу кармоочу жайына жана тергөө камак жайына кармалгандарга, камакка алынгандарга Акыйкатчы Аппаратынын өкүлдөрү тоскоолсуз кирип чыгуусун камсыздап жатканын белгилеп кетебиз», д-еп айтылат маалыматта.


Эгерде ката тапсаңыз, текстти белгилеп Ctrl+Enter басыңыз