Билим берүү министрлиги этникалык кыргыздар үчүн жогорку окуу жайларга 75 орун бөлдү
Кыргызстан жаңылыктары
 Билим берүү министрлиги этникалык кыргыздар үчүн жогорку окуу жайларга 75 орун бөлдү

Кыргызстандын Билим берүү жана илим министрлиги 2022-2023-окуу жылында башка өлкөлөрдө жашаган этникалык кыргыздар үчүн жогорку окуу жайларга 75 орун бөлдү. Анын ичинен Өзбекстан 30, Тажикстан 25, Түркия 10, Казакстан 5, Кытайда жашаган кыргыздарга 5 квота бөлүндү. 

Бул квота “Чет өлкөлөрдө жашаган мекендештерге билим берүү жана улуттук маданият маселелеринде колдоо көрсөтүү боюнча чаралар жөнүндө” жарлыкка ылайык берилди. Этникалык кыргыздар Кытай, Орусия, Казакстан, Өзбекстан, Тажикстан, Ооганстан, Түркия сыяктуу мамлекеттерде жашайт. Аларга жылына жогорку окуу жайларга квота берилет. Министрлик учурда канча этникалык студент бар экенин маалымдаган жок.