Футбол боюнча Кыргызстан улуттук курама командасынын жарым коргоочусу Гүлжигит Алыкулов Казакстан чемпионатында жаңы сезондогу биринчи беттешинде гол киргизди.
Премьер-лиганын жаңы сезонунун 1-турунда «Кайрат» Алматы шаарында «Атырау» менен беттешти. Алыкулов оюнду алгачкы мүнөттөн баштап, 75-мүнөттө алмаштырылды.
17-мүнөттө кыргызстандык футболчу голдук пас берип, 23-мүнөттө атаандашынын катасынан пайдаланып, өзү гол киргизди.
«Кайрат» 2:0 эсебинде алдыга озуп чыккан, бирок жеңишти колдон чыгарып жиберди — 2:2.
